Fikrije Zymberi, drejtoreshë e Agjencisë për
Arsim, Aftësim Profesional dhe Arsimit për të Rritur, ka zhvilluar një bisedë
interaktive me studentët e vitit të dytë, drejtimi Pedagogji e Përgjithshme në Fakultetin
e Edukimit.
Drejtoresha Zymberi i informoi në
përgjithësi lidhur me funksionimin, rolin, detyrat dhe përgjegjësitë e
AAAPARR-së në kontekstin e mbështetjes se arsimimit gjatë terë jetës, si dhe për
kornizat ligjore qe mundësojnë zhvillimin e aktiviteteve përmes se cilave
arrihet cilësi dhe atraktivitet ne tregun e punës.
Studentet ishin shumë të interesuara të
informohen lidhur organizimin e aktiviteteve për arsimin e te rriturve,
arsimin joformal përmes kurseve afatshkurtëra dhe afatgjata, arsimin
joformal dhe bazën ligjore.
Gjithashtu lidhur me zhvillimin e
vazhdueshëm profesional te mësimdhënësve, rëndësinë dhe aktivitetet qe AAAPARr
ka zhvilluar, cilat janë ne proces e sipër. Gjithashtu, dëshiruan të informohen
se cilat janë mundësitë e tyre që pas përfundimit te studimeve ne këtë drejtim
te kontribuojnë ne këtë komponentë te rëndësishme, sidomos ne trajnimet metodikë/didaktikë
dhe didaktike profesionale për mësimdhënësit e rijnë.
Drejtoresha Zymberi pas interesimit të
studentëve, i informoi edhe për rendësin e zbatimit të sistemit dual, kualifikimet
qe ofrohen ne shkollat e mesme te larta profesionale, konkretisht ne Qendrat e
Kompetences. Gjithashtu studentët ishin të interesuara të dinin dallimin ne mes
Qendrave te Aftësimit Profesional dhe Qendrave te Kompetencës, orientimin dhe këshillimin
ne karriere.
Në fund, drejtoresha Zymberi i informoi
edhe për ndërkombetarizimin dhe zbatimin e projekteve te Komisionit Evropian
dhe Erasmus plus, rëndësinë e tyre dhe përftimet e nxënësve /te rriturve nga këto
projekte.
Profesoresha Elmedina Nikocevic Kurti e falënderoj
Zymberin për prezencën e saj dhe kontributin e dhënë në bisedën interaktive me
studentet.
