Në kuadër të projektit “Ngritja e kapaciteteve të AAAPARr-së përmes zhvillimit të standardeve profesionale dhe trajnimeve për mësimdhënësit dhe menaxhmentin e Qendrave të Kompetencës”, po vazhdon Moduli II i trajnimit “Inteligjenca Artificiale në mësimdhënie” në Qendrat e Kompetencës në Prizren dhe Malishevë.
Gjatë trajnimit, pjesëmarrësit po njihen me mënyrat se si mjetet e inteligjencës artificiale mund të përdoren për të lehtësuar dhe përmirësuar procesin mësimor, përmes teknikave dhe ushtrimeve praktike.
Ky projekt ka synim fuqizimin e mësimdhënësve dhe menaxhmentit të Qendrave të Kompetencës, përmes zhvillimit profesional, përdorimit të teknologjisë moderne dhe përmirësimit të cilësisë së arsimit profesional në Kosovë.